رياض_06 سيپٽمبر(اي پي پي) سعودي عرب تيل جي پيداوار ۾ روزاني 10 لک بيرل جي رضاڪاراڻي گهٽتائي واري پاليسي ۾ ڊسمبر تائين توسيع ڪري ڇڏي آهي، ميڊيا رپورٽن موجب تيل جي پيداوار ۾ گهٽتائي جي پاليسي جيڪا هلندڙ سال جولاءِ ۾ لاڳو ڪئي وئي هئي ڊسمبر 2023 تائين جاري رهندي، نئين فيصلي کان پوءِ سعودي عرب جي آڪٽوبر نومبر ۽ ڊسمبر ۾ تيل جي پيداوار 90 لک بيرل رهندي، رپورٽ موجب ان فيصلي تي هر مهيني نظر ثاني ڪئي ويندي ته پيداوار ۾ گهٽتائي ڪرڻي آهي يا اضافو، واضع رهي ته سعودي عرب جي تيل جي پيداوار ۾ گهٽتائي جو اهو فيصلو ان فيصلي کان ڌار آهي جيڪو اپريل 2023 ۾ ڪيو ويو هو جيڪو 2024 تائين لاڳو رهندو، رضاڪاراڻي طور تي ڪيل فيصلي جو مقصد انهن حفاظتي ڪوششن تي زور ڏيڻ آهي جيڪي اوپيڪ پلس پاران تيل جي مارڪيٽ ۾ استحڪام آئڻ لاءِ ڪيون پيو وڃن.
