لنڊن – 04 سيپٽمبر(اي پي پي) برطانيه جي وزيراعظم رشي سونڪ نينئي دهلي سان ڪنهن فوري واپاري معاهدي جو امڪان خارج ڪري ڇڏيو آهي. جنهن سان ڀارت لاءِ نئين دهلي ۾ جي 20 سربراهي اجلاس جي موقعي تي مجوزه معاهدي جو حصول ناممڪن ٿي ويو آهي. ڪشمير ميڊيا سروس مطابق برطانوي سڌ سماءَ جي ذريعن جو چوڻ آهي ته برطانيه جي وزيراعظم شروعاتي معاهدي جي خيال کي رد ڪري ڇڏيو آهي جنهن سان شراب جهڙي شين تي محصول گهٽ ڪري سگهجي پئي. پر پيشواڻي خدمتن جهڙي مشڪل موضوعن کي حل نه ٿي سگهيو. ان فيصلي سان ايندڙ هفتي نئين دهلي ۾ برطانوي وزيراعظم جي پنهنجي ڀارتي هم منصب نريندر مودي سان ملاقات کان اڳ ئي ڪنهن معاهدي جي امڪان ختم ٿي ويو آهي.
