اسلام آباد-04 سيپٽمبر (اي پي پي)بيجنگ ۾ ستين ”ڊجيٽل سلڪ روڊ“ عالمي ڪانفرنس شروع ٿي وئي آهي. ڪانفرنس ۾ پاڪستان، فن لينڊ، جرمني ۽ برطانيه سميت 20 کان وڌيڪ ملڪن جا اٽڪل 250 ماهر شرڪت ڪري رهيا آهن. 3 ڏينهن واري ڪانفرسن ۾ شرڪت ڪندڙ جٽادار ترقيءَ لاءِ ڊجيٽل ٽيڪنالاجيءَ جي حمايت جي موضوع تي گڏيل قومن جي جٽادار ترقياتي هدف کي مخصوص انداز ۾ لاڳو ڪرڻ جي قدمن ۽ ڏُکيائين کي مُنهن ڏيڻ تي ڳالهيون ڪندا، جڏهن ته ڊجيٽل سلڪ روڊ تي بيجنگ پڌرائي به جاري ڪئي ويندي. چين جي ميڊيا مطابق افتتاحي تقريب ۾ ارٿ بگ ڊيٽا بيلٽ اينڊ روڊ جي جٽادار ترقيءَ ۾ مدد جي موضوع تي رپورٽ جاري ڪئي وئي، ان رپورٽ گڏيل قومن جي جٽادار ترقياتي هدف طرفان وڌندڙ بيلٽ اينڊ روڊ جي جٽادار ترقيءَ ۾ ڊجيٽل سلڪ روڊ عالمي سائنسي پروگرام جي تحقيقي نتيجن جي عڪاسي ڪئي آهي، ان سان گڏوگڏ رپورٽ ۾ جٽادار ترقيءَ جي درپيش موجوده ڏُکيائين جي نشاندهي ڪئي ۽ ان بابت زور ڀريو آهي ته بيلٽ اينڊ روڊ خطي ۾ سائنسي ۽ فني سهڪار کي مضبوط ڪرڻ گهرجي ته جيئن ڊيٽا، علم ۽ ٽيڪنالاجي جي جامع سهڪار کي هٿي وٺرائي سگهجي.
