ڪويت سٽي -28 آگسٽ (اي پي پي) ڪويت جو ولي عهد شيخ مشعل الاحمد الجابر الصباح سومر برطانيه جي سرڪاري دوري تي پهچي ويو آهي. سعودي ميڊيا مطابق ڪوويت جو ولي عهد ان کان اڳ ڪنگ چارلس (ٿري) جي تاجپوشي ۾ شرڪت لاءِ برطانيه جو دورو ڪيو هو جڏهن ته ملڪه ايلزبيٿ (ٻه) جي وفات تي به تعزيت لاءِ ويو هو. برطانيه ۽ ڪويت وچ ۾ 120 سالن کان وڌيڪ عرصي کان ويجها ناتا آهن جيڪي 1899ع ۾ اينگلو، ڪويت معاهدي تي صحيحن بعد شروع ٿيا هئا. ٻنهي ملڪن 1992ع ۾ به هڪ معاهدي تي صحيحيون ڪيون هيون جنهن تحت برطانيه ڪويت کي هٿيار فراهم ڪندو ۽ گڏيل فوجي مشقن م حصو وٺندو. برطانوي واپاري ۽ ڪاروباري شخصيتون 1793ع ۾ ڪويت آيون ۽ 1821ع ۾ ايسٽ انڊيا ڪمپني پنهنجو هيڊ ڪوارٽر بصره کان ڪويت منتقل ڪيو.
