ميڪسيڪو سٽي_23 آگسٽ(اي پي پي) ميڪسيڪو جي پيولا رياست ۾ بس حادثي دوران 16 مسافر اجل جو شڪار ٿي ويا، ميڊيا رپورٽن موجب پيوبلا ۾ گهرو وزارت جاري ڪيل بيان ۾ چيو آهي ته پيوبلا جي اڪنو پالان_ اوڪسا هاءِ وي تي تيز رفتار بس اونڌي ٿي وئي جنهن سبب 16 مسافر فوت ۽ 36 زخمي ٿي پيا، هن ٻڌايو ته مقامي پوليس ۽ ريسڪيو ٽيمن فوتين ۽ زخمين کي ويجهي اسپتال منتقل ڪيو آهي، واقعي ۾ متاثرن جي مدد لاءِ رياستي عملدارن سان لڳاتار رابطي ۾ آهيون.