مڪو شريف_23 جون(اي پي پي) ميدان عرفات ۾ حج جي سڀ کان اهم رڪن جي ادائگي لاءِ ايندڙ لکين حاجين جي آجيان لاءِ مسجد نمره ۾ سمورا انتظام مڪمل ڪيا ويا آهن ،ميڊيا رپورٽن موجب حرمين الشريفين انتظاميا جي جاري بيان ۾ چيو ويو آهي ته مسجد نمره ۾ حاجي جي آجيان لاءِ تياريون مڪمل ڪيون ويو ن آهن، اها دنيا جي واحد مسجد آهي جيڪا سال ۾ هڪ ڀيرو کلندي آهي، مسجد نمره ۾ ساڍن ٽن لکن ماڻهن جي گنجائش آهي، مسجد ٻاهران پڻ لکين ماڻهو ظهر ۽ عصر جي نماز هڪ اذان ۽ ٻن تڪبيرن سان ادا ڪندا آهن، مسجد نمره هڪ لک 10 هزار چورس ميٽر جي ايراضي تي مشتمل آهي، هڪ اندازي موجب هر سال 22 لک ماڻهو ميدان عرفات ۾ وقوف ڪندا آهن.
