اسلام آباد – 25 جون (اي پي پي) صدر ڊاڪٽر عارف علوي چيو آهي ته معاشري کي منشيات کان پاڪ ڪرڻ لاءِ سمورن شعبن ۽ طبقن کي گڏيل ۽ متحرڪ ڪوششون ڪرڻ گهرجن، منشيات جي عالمي مسئلي جو موثر حل ان ڳالهه جو گهرجائو آهي ته اسان انصاف فراهم ڪندڙ ۽ صحت ۽ سماجي خدمتن جي ادارن جو جامع نظام بڻايون جيڪو منشيات جي خلاف عالمي قانونن، انساني حقن جي ذميدارين ۽ پائيدار ترقي جي مقصدن کي نظر ۾ رکي. هن اها ڳالهه منشيات جي روڪٿام جي عالمي ڏينهن جي موقعي تي پنهنجي پيغام ۾ چئي جيڪو اربع ڏينهن پاڪستان سميت سڄي دنيا ۾ ملهايو پيو وڃي.
