آئين ۽ قانون جي پاسداري ڪندڙ کي حاضري کان ڇوٽ نه پئي ملي: مريم اورنگزيب

اسلام آباد – 27 مارچ (اي پي پي) اطلاعات، نشريات، قومي تاريخ ۽ ادبي ورثي واري مملڪتي وزير مريم اورنگزيب چيو آهي ته آئين ۽ قانون جي پاسداري ۾ هفتي ۾ ٽي کان چار ڀيرا پنهنجي فيملي سان عدالت ۾ پيش ٿيندڙ محمد نواز شريف کي پنهنجي بيمار گهرواري ۽ مريم نواز کي بيمار ماءُ سان ملڻ لاءِ ڇوٽ نٿي ملي. هو احتساب عدالت جي ٻاهران ميڊيا جي نمائندن سان ڳالهائي رهئي هئي.