سينيٽ اجلاس خميس جي ٻنپهر 12:30 تائين ملتوي

اسلام آباد- 17 جون (اي پي پي) سينيٽ جو اجلاس خميس جي ٻنهپر 12:30 تائين ملتوي ڪيو ويو. اربع ڏينهن وفاقي بجيٽ تي حڪومتي ۽ مخالف ڌر جي ميمبرن بحث جاري رکيو. اجلاس دوران مختلف سياسي پارٽين سان تعلق رکندڙ سينيٽرن مالي سال جي بجيٽ بابت پنهنجي راءِ پيش ڪئي. ايوان ۾ بجيٽ تي بحث دوران ميمبرن معيشت، محصولن، ترقياتي رٿائن، تعليم، صحت ۽ عوامي ڀلائيءَ بابت معاملن تي تفصيلي ڳالهيون ڪيون. بعد ۾ اجلاس جي ڪارروائي خميس 18 جون ٻنپهر 12:30 تائين ملتوي ڪيو ويو.