اسلام آباد – پهرين آگسٽ (اي پي پي) مسلم ليگ (ن) ۽ اتحادي پارٽين جي اميدوار شاهد خاقان عباسي 221 ووٽ کڻي وزيراعظم چونڊجي ويو آهي. هو ملڪ جو 22 هون چونڊيل جڏهن ته مجموعي طور تي 28 هون وزيراعظم چونڊيو آهي. قومي اسيمبلي جي 44 هين اجلاس ۾ نئين وزيراعظم جي چونڊ لاءِ ووٽنگ ٿي جنهن ۾ چئن اميدوارن جي وچ ۾ مقابلو ٿيو جن ۾ پيپلزپارٽي جي اميدوار سيد نويد قمر 47 ووٽ حاصل ڪيا، عوامي مسلم ليگ جي سربراهه ۽ تحريڪ انصاف جي حمايت يافته اميدوار شيخ رشيد احمد 33 جڏهن ته جماعت اسلامي جي اميدوار صاحبزاده طارق الله 4 ووٽ حاصل ڪيا.
