اسلام آباد – 08 اپريل (اي پي پي) وزيراعظم محمد نواز شريف چيو آهي ته خانه ڪعبه جي ڪري پاڪستان جي عوام سعودي عرب سان گهري مذهبي ۽ روحاني رشتن ۾ ڳنڍيل آهي، اسلام جي محبت، امن، برداشت ۽ انسانيت جي احترام جي پيغام کي پوري دنيا تائين پهچائڻ وقت جي ضرورت آهي، مذهبي اسڪالرن ۽ اڳواڻن کي اسلام جي خلاف منفي پروپئگنڊه جو اتفاق راءِ سان خاتمو ڪرڻ گهرجي. هن اها ڳالهه امام ڪعبه شيخ صالح بن محمد بن طالب سان ملاقات ۾ ڳالهائيندي چئي.
