اسلام آباد – 03 مارچ (اي پي پي) صدر ممنون حسين چيو آهي ته مستقبل اقتصادي تنظيم جي ميمبر ملڪن جو آهي ۽ هي اقتصادي بلاڪ پوري دنيا جي نگاهن جو مرڪز هوندو، هن اسلام آباد ۾ منعقد اقتصادي تعاون تنظيم جي 13 هين سربراهه اجلاس تي اعتماد جو اظهار ڪندي چيو ته ان سان خطي ۾ تعاون جي فضا ۾ اضافو ٿيندو، صدر اها ڳالهه ايوان صدر ۾ اقتصادي تعاون تنظيم چيمبر آف ڪامرس جي وفد سان ملاقات دوران چئي. وفد ۾ اقتصادي تعاون تنظيم جي سيڪريٽري جنرل حليل ابراهيم کانسواءِ ترڪي، ايران، افغانستان، تاجڪستان، ڪرغزستان، آذربائيجان ۽ ايف پي سي سي آءِ جا عهديدار به شريڪ هئا.