اسلام آباد-06 مئي (اي پي پي) بچاءُ واري وفاقي وزير خواجه محمد آصف چيو آهي ته حق جي ويڙهه پاڪستان جي فيصلائتي عسڪري سوڀ ۽ فولادي قومي اتحاد جو واضح ثبوت آهي، حق جي ويڙهه مان ثابت ٿيو ته آئينده ڪنهن به اڳرائي جو جواب پهرين کان وڌيڪ شديد ۽ فيصلائتو هوندو، اسان جي زميني، سامونڊي ۽ فضائي فوج جي جوابي صلاحيت دشمن جي تصور کان به وڌيڪ تيز ۽ …
حق جي ويڙهه پاڪستان جي فيصلائتي عسڪري سوڀ ۽ فولادي قومي اتحاد جو واضح ثبوت آهي: دفاع وارو وفاقي وزير
مزید خبریں
اسلام آباد-06 مئي (اي پي پي) بچاءُ واري وفاقي وزير خواجه محمد آصف چيو آهي ته حق جي ويڙهه پاڪستان جي فيصلائتي عسڪري سوڀ ۽ فولادي قومي اتحاد جو واضح ثبوت آهي، حق جي ويڙهه مان ثابت ٿيو ته آئينده ڪنهن به اڳرائي جو جواب پهرين کان وڌيڪ شديد ۽ فيصلائتو هوندو، اسان جي زميني، سامونڊي ۽ فضائي فوج جي جوابي صلاحيت دشمن جي تصور کان به وڌيڪ تيز ۽ مربوط آهي. هڪ وڊيو پيغام ۾ هن چيو ته حق جي ويڙهه جي عظيم فتح ڀارت کي پاڪستان جي دفاعي صلاحيت ۽ قومي اتحاد جو واضح ۽ـ چِٽو پيغام ڏنو. هن چيو ته حق جي ويڙهه صرف هڪ يادگار واقعو ناهي پر هڪ واضح لڪير آهي جيڪا هميشه لاءِ ڪڍي وئي آهي. حق جي ويڙهه مان واضح آهي ته آئينده ڪنهن به اڳرائيءَ جو جواب پهرين کان وڌيڪ سخت ۽ فيصلائتو هوندو. اسان جي زميني، سامونڊي ۽ فضائي فوج جي جوابي صلاحيت دشمن جي تصور کان به وڌيڪ تيز ۽ مربوط آهي. هن چيو ته بنيان مرصوص وانگر پوري قوم پنهنجي هٿياربند فوج سان شيهي جي ڀت جيان بيٺل آهي. پاڪستاني نوجوانن جو شعور ۽ اعتماد اسان جي اصل طاقت آهي، هو ڄاڻن ٿا ته ملڪ جو دفاع ڪيئن ڪرڻو آهي. پاڪستاني پُرعزم ۽ پُراعتماد نوجوان قيادت جو چوڻ آهي ته آپريشن بنيان مرصوص جي موقعي تي الله جي مدد کي ڏٺو، محسوس ڪيو ۽ ان جي ڪاميابيءَ قوم جو ڳاٽ اوچو ڪيو. حق جي ويڙهه اسان لاءِ هڪ اهڙو داستان آهي جيڪو اسان پنهنجي ايندڙ نسلن کي ٻُڌائينداسين.
