برسلز-24 جنوري (اي پي پي) نيٽو جي سيڪريٽري جنرل مارڪ روٽي ۽ ڊنمارڪ جي وزيراعظم ميٽي فريڊريڪسن ان ڳالهه تي اتفاق ڪيو آهي ته نيٽو کي اتر قطب دائري جي سلامتي کي يقيني بڻائڻ لاءِ پنهنجن ڪوششن کي وڌيڪ مضبوط ڪرڻو پوندو. پرڏيهي ميڊيا مطابق اهو اتفاق ان وقت سامهون آيو آهي جڏهن آمريڪي صدر ڊونلڊ ٽرمپ گرين لينڊ کي ضم ڪرڻ جي ڌمڪي کان پوئتي هٽڻ جو اعلان ڪيو. …
نيٽو پاران اتر قطب جي سيڪيورٽي کي وڌيڪ مضبوط بڻائڻ لاءِ ڊنمارڪ سان معاهدي جو اعلان
مزید خبریں
برسلز-24 جنوري (اي پي پي) نيٽو جي سيڪريٽري جنرل مارڪ روٽي ۽ ڊنمارڪ جي وزيراعظم ميٽي فريڊريڪسن ان ڳالهه تي اتفاق ڪيو آهي ته نيٽو کي اتر قطب دائري جي سلامتي کي يقيني بڻائڻ لاءِ پنهنجن ڪوششن کي وڌيڪ مضبوط ڪرڻو پوندو. پرڏيهي ميڊيا مطابق اهو اتفاق ان وقت سامهون آيو آهي جڏهن آمريڪي صدر ڊونلڊ ٽرمپ گرين لينڊ کي ضم ڪرڻ جي ڌمڪي کان پوئتي هٽڻ جو اعلان ڪيو. مارڪ روٽي برسلز ۾ ميٽي فريڊريڪسن سان ملاقات کانپوءِ سوشل ميڊيا پليٽ فارم ايڪس تي لکيو ته اسان نيٽو جي سمورن ميمبر ملڪن جي امن ۽ سلامتي کي يقيني بڻائڻ لاءِ گڏجي ڪم ڪري رهيا آهيون ۽ اتر قطب دائري ۾ دفاع کي مضبوط بڻائڻ لاءِ پنهنجي سهڪار کي وڌيڪ اڳتي وڌائينداسين. هن وضاحت ڪئي ته ڊيووس ۾ ٿيل ان ڳالهه ٻولهه جو مقصد اتر قطب جي 7 ملڪن جي اجتماعي سلامتي کي روس ۽ چين جي مقابلي ۾ گڏيل طور يقيني بڻائڻ آهي. انهن ملڪن ۾ آمريڪا، ڪئناڊا، ڊنمارڪ، آئس لينڊ، سويڊن، فن لينڊ ۽ ناروي شامل آهن. هن چيو ته حڪمت عملي ان ڳالهه تي ٻڌل آهي ته اسان سڀ گڏجي اهو ڪيئن يقيني بڻايون ته اتر قطب محفوظ رهي ۽ روسي ۽ چيني اثر و رسوخ کان ٻاهر رهي.
