ڪراچي-15سيپٽمبر (اي پي پي) سنڌ اسيمبلي جي اسپيڪر سيد اويس قادر شاهه جمهوريت جي عالمي ڏهاڙي جي موقعي تي پنهنجي پيغام ۾ چيو آهي ته جمهوريت عوامي مسئلن جي حل ۽ پراڻن چئلينجن کي منهن ڏيڻ لاءِ اڻٽر آهي.هن چيو ته مضبوط جمهوري ادارا پُرامن، مستحڪم ۽ خوشحال پاڪستان جو بنياد آهن، جڏهن ته جمهوريت جي حقيقي طاقت عوام جي اعتماد، شموليت ۽ فعال ڪردار ۾ آهي.سيد اويس قادر شاهه …
جمهوريت عوامي مسئلن جي حل ۽ پراڻن چئلينجن کي منهن ڏيڻ لاءِ اڻٽر آهي: اسپيڪر سيد اويس قادر شاهه
ڪراچي-15سيپٽمبر (اي پي پي) سنڌ اسيمبلي جي اسپيڪر سيد اويس قادر شاهه جمهوريت جي عالمي ڏهاڙي جي موقعي تي پنهنجي پيغام ۾ چيو آهي ته جمهوريت عوامي مسئلن جي حل ۽ پراڻن چئلينجن کي منهن ڏيڻ لاءِ اڻٽر آهي.هن چيو ته مضبوط جمهوري ادارا پُرامن، مستحڪم ۽ خوشحال پاڪستان جو بنياد آهن، جڏهن ته جمهوريت جي حقيقي طاقت عوام جي اعتماد، شموليت ۽ فعال ڪردار ۾ آهي.سيد اويس قادر شاهه چيو ته آئين، جمهوري قدرن ۽ پارلياماني ادارن جو استحڪام اسان سڀني جي گڏيل ذميواري آهي. جمهوريت اهڙو نظام آهي، جنهن ۾ اختيار استعمال ڪندڙن کي عوام آڏو جوابده بڻايو وڃي ٿو. اسپيڪر چيو ته جمهوري نظام ۾ اڪثريت سان گڏ اقليتن جي حقن ۽ آواز جو احترام پڻ ضروري آهي. عوام جي راءِ، شموليت ۽ نمائندگي جمهوريت جا بنيادي ٿنڀ آهن.هن وڌيڪ چيو ته پاڪستان جي مضبوطي، استحڪام ۽ ترقي لاءِ جمهوري ادارن جو مؤثر ۽ مستحڪم هجڻ ضروري آهي.
