ايندڙ 24 ڪلاڪن دوران ملڪ جي اڪثر علائقن ۾ موسم ٿڌي ۽ خشڪ ۽ جابلو علائقن ۾ سخت ٿڌ رهڻ جو امڪان

اسلام آباد-12 جنوري (اي پي پي) ايندڙ 24 ڪلاڪن دوران ملڪ جي اڪثر علائقن ۾ موسم ٿڌي ۽ خشڪ ۽ جابلو علائقن ۾ سخت ٿڌ رهڻ جو امڪان آهي، جڏهن ته گلگت بلتستان ۽ ڪشمير ۽ لاڳاپيل علائقن ۾ موسم جهڙالي رهڻ کان علاوه ڪجهه ماڳن تي هلڪي برسات/هلڪي برفباري ٿي سگهي ٿي. پنجاب، مٿاهين سنڌ ۽ ڪي پي ڪي جي ميداني علائقن ۾ وچولي درجي جو سخت ڪوهيڙو رهڻ جو امڪان آهي. موسميات کاتي موجب (اڄ) ملڪ جي اڪثر علائقن ۾ موسم ٿڌي ۽ خشڪ، جڏهن ته جابلو علائقن ۾ سخت ٿڌ رهڻ جو امڪان آهي. گذريل 24 ڪلاڪن دوران ملڪ جي اڪثر علائقن ۾ موسم ٿڌ ۽ خشڪ جڏهن ته مٿاهين وارن علائقن ۾ سخت ٿڌي رهي.