لاهور - 12 جنوري (اي پي پي) اطلاعات ۽ نشريات واري وفاقي وزير عطاءُ الله تارڙ چيو آهي ته مسلم ليگ (ن) جي قيادت عوام جي خدمت جي مشن تي قائم آهي، معيشت ۾ استحڪام ۽ ترقي جي رفتار بهتر ڏٺي پئي وڃي، گذريل سال مئي ۾ عسڪري فتح ۽ معاشي قدمن جي ڪري پاڪستان کي عالمي سطح تي عزت ۽ وقار حاصل ٿيو آهي. اهڙن خيالن جو اظهار هن …
مسلم ليگ (ن) جي قيادت عوام جي خدمت جي مشن تي قائم آهي، معيشت ۾ استحڪام ۽ ترقي جي رفتار بهتر ڏٺي پئي وڃي: عطاءُ الله تارڙ
مزید خبریں
لاهور – 12 جنوري (اي پي پي) اطلاعات ۽ نشريات واري وفاقي وزير عطاءُ الله تارڙ چيو آهي ته مسلم ليگ (ن) جي قيادت عوام جي خدمت جي مشن تي قائم آهي، معيشت ۾ استحڪام ۽ ترقي جي رفتار بهتر ڏٺي پئي وڃي، گذريل سال مئي ۾ عسڪري فتح ۽ معاشي قدمن جي ڪري پاڪستان کي عالمي سطح تي عزت ۽ وقار حاصل ٿيو آهي. اهڙن خيالن جو اظهار هن پنهنجي والده ۽ مسلم ليگ (ن) جي اڳواڻ ساجده فاروق تارڙ سان گڏ وزيراعظم جي سياسي معاملن ۽ پبلڪ افيئرز يونٽ واري ڪوآرڊينيٽر سيد توصيف شاهه جي آفيس چيما هائوس ۾ پنهنجي تڪ سان تعلق رکندڙ عوامي نمائندن، چيئرمينز، وائيس چيئرمينز، سينيئر ڪارڪنن، ڪائونسلرز، عورت اڳواڻن ۽ ليڊي ڪائونسلرز سان ملاقات دوران ڳالهائيندي ڪيو. اطلاعات واري وفاقي وزير چيو ته حڪومت عوامي ڀلائي کي اولين ترجيح ڏئي رهي آهي، ملڪ هاڻي استحڪام کانپوءِ ترقي جي راهه تي گامزن ٿي چڪو آهي. هن چيو ته گذريل سال مئي ۾ عسڪري فتح ۽ معاشي قدمن جي ڪري پاڪستان کي عالمي سطح تي عزت ۽ وقار حاصل ٿيو آهي. وفاقي وزير چيو ته معيشت ۾ استحڪام ۽ ترقي جي رفتار بهتر ڏٺي پئي وڃي، مسلم ليگ (ن) جي قيادت عوام جي خدمت جي مشن تي قائم آهي، ترقي ۽ خوشحالي جي سفر کي وڌيڪ تيز ڪيو ويندو. ان موقعي تي اطلاعات واري وفاقي وزير ڪارڪنن جا مسئلا تفصيل سان ٻڌا. اجلاس ۾ شرڪت ڪندڙن مسلم ليگ (ن) جي حڪومت جي پاليسين تي اعتماد جو اظهار ڪيو ۽ وفاقي حڪومت پاران ترقياتي ڪمن کي ساراهيو. اجلاس ۾ شرڪت ڪندڙن پنجاب حڪومت جي ترقياتي قدمن تي پڻ اطمينان جو اظهار ڪيو. اٽڪل 3 ڪلاڪ جاري رهندڙ اجلاس ۾ نه رڳو تڪ جا عوامي مسئلا بحث هيٺ آيا پر ملڪ جي مجموعي صورتحال ۾ بهتري ۽ مستقبل جي حڪمت عملي تي پڻ خيالن جي ڏي وٺ ٿي. اطلاعات واري وفاقي وزير ملاقات ۾ شريڪ قائدين ۽ ڪارڪنن جا ٿورا مڃيا.
