جده- 10 سيپٽمبر (اي پي پي) اسلامي سهڪار تنظيم (او آءِ سي) قطر جي گادي واري شهر دوحه تي اسرائيلي جارحيت جي شديد مذمت ڪندي ان کي عالمي قانون، گڏيل قومن جي چارٽر ۽ عالمي اصولن جي کليل ڀڃڪڙي قرار ڏنو آهي. او آءِ سي گذريل ڏينهن جاري بيان ۾ دوحه تي اسرائيلي حملي کي سنگين قرار ڏنو جيڪو علائقائي سلامتي ۽ استحڪام کي خطري ۾ وجهي ٿو ۽ عالمي …
او آءِ سي جو اجلاس، قطر جي گادي واري شهر دوحه تي اسرائيلي حملي جي شديد مذمت
مزید خبریں
جده- 10 سيپٽمبر (اي پي پي) اسلامي سهڪار تنظيم (او آءِ سي) قطر جي گادي واري شهر دوحه تي اسرائيلي جارحيت جي شديد مذمت ڪندي ان کي عالمي قانون، گڏيل قومن جي چارٽر ۽ عالمي اصولن جي کليل ڀڃڪڙي قرار ڏنو آهي. او آءِ سي گذريل ڏينهن جاري بيان ۾ دوحه تي اسرائيلي حملي کي سنگين قرار ڏنو جيڪو علائقائي سلامتي ۽ استحڪام کي خطري ۾ وجهي ٿو ۽ عالمي امن ۽ سلامتي کي نقصان پهچائي ٿو. اسلامي ملڪن قطر جي خودمختياري، سلامتي ۽ علائقائي سلامتي تي کليل اسرائيلي جارحيت جي مذمت ڪندي ان کي رد ڪري ڇڏيو. او آءِ سي جي سيڪريٽري جنرل تنظيم جي چارٽر، اسلامي سربراهي اجلاس جي ٺهرائن ۽ پرڏيهي وزيرن جي ڪائونسل جي فيصلن جي بنياد تي ان ڳالهه جو ورجاءُ ڪيو ته تنظيم ڪنهن به ميمبر ملڪ جي خودمختياري ۽ سلامتي خلاف ڪنهن به قسم جي جارحيت کي قطعي طور تي رد ڪري ٿي. او آءِ سي قطر سان مڪمل يڪجهتي جو اظهار ڪندي ان جي سلامتي، علائقائي سالميت، استحڪام ۽ ان جي شهرين ۽ رهائشين جي حفاظت جي مڪمل حمايت ڪئي.
