واشنگٽن-04 سيپٽمبر (اي پي پي) آمريڪي صدر ڊونلڊ ٽرمپ چيو آهي ته ڏوهن تي ضابطو آڻڻ لاءِ وفاقي فوجي جٿا رياست لوزيانا جي شهر نيو ۽ لينز موڪلڻ تي غور ڪري رهيا آهيون. پرڏيهي ميڊيا موجب هن پولينڊ جي صدر ڪارول ناوروڪي سان ملاقات جي موقعي تي صحافين سان ڳالهائيندي چيو ته سندس انتظاميا ان ڳالهه تي غور ڪري رهي آهي ته آمريڪي رياست الي نوائي جي شهر شڪاگو يا …
ڏوهن جي روڪٿام لاءِ رياست لوزيانا جي شهر نيو ۽ لينز ۾ وفاقي فوجي جٿا موڪلي سگهون ٿا: آمريڪي صدر
مزید خبریں
واشنگٽن-04 سيپٽمبر (اي پي پي) آمريڪي صدر ڊونلڊ ٽرمپ چيو آهي ته ڏوهن تي ضابطو آڻڻ لاءِ وفاقي فوجي جٿا رياست لوزيانا جي شهر نيو ۽ لينز موڪلڻ تي غور ڪري رهيا آهيون. پرڏيهي ميڊيا موجب هن پولينڊ جي صدر ڪارول ناوروڪي سان ملاقات جي موقعي تي صحافين سان ڳالهائيندي چيو ته سندس انتظاميا ان ڳالهه تي غور ڪري رهي آهي ته آمريڪي رياست الي نوائي جي شهر شڪاگو يا رياست لوزيانا جي شهر نيو ۽ لينز جهڙن ڪنهن شهر ۾ فوجي جٿا موڪليا وڃن. هن چيو ته آمريڪي رياست لوزيانا جي شهر نيو ۽ لينز ۾ ڏوهن جو مسئلو آهي ۽ اسان اتي فوجي جٿا موڪلي اهو مسئلو ٻن هفتن ۾ ختم ڪري ڇڏينداسين. هن چيو ته آمريڪي رياست ميري لينڊ جي شهر بالٽيمور ۾ ڏوهن جي صورتحال جيڪا هن وقت آهي اها اڳ ڪڏهن به نه ڏٺي وئي آهي ۽ اسان اتي به فوج موڪلڻ تي غور ڪري رهيا آهيون جيڪڏهن فوجي جٿا بالٽيمور ويندا ته اهڙا مسئلا جلد حل ڪري سگهجن ٿا، اسان اهڙي وقت جو انتظار ڪري رهيا آهيون جڏهن اسان کي باضابطه درخواست ڪئي ويندي. واضح رهي ته آمريڪي صدر ڊونلڊ ٽرمپ شگاڪو ۾ نيشنل گارڊ جا جٿا موڪلڻ جو اعلان ڪيو هو جڏهن ته هن وقت ۽ طريقيڪار جي وضاحت نه ڪئي.
