وزيراعظم سان ليفٽيننٽ جنرل (ر) محمد سعيد جي ملاقات

اسلام آباد – 04 آگسٽ (اي پي پي) وزيراعظم محمد شهباز شريف سان ليفٽيننٽ جنرل (ر) محمد سعيد ملاقات ڪئي. وزيراعظم آفيس جي ميڊيا ونگ پاران جاري بيان موجب وزيراعظم محمد شهباز شريف ليفٽيننٽ جنرل (ر) محمد سعيد کي وفاقي ڪابينا جي منظوري سان واپڊا چيئرمين مقرري تي مبارڪباد ڏني. وزيراعظم محمد شهباز شريف ليفٽيننٽ جنرل (ر) محمد سعيد جي لاءِ نيڪ خواهشن جو اظهار ڪيو ۽ اميد ظاهر ڪئي ته ليفٽيننٽ جنرل (ر) محمد سعيد بطور واپڊا چيئرمين پنهنجا فرض بهتر طريقي سان سرانجام ڏيندو. ملاقات ۾ نائب وزيراعظم ۽ پرڏيهي وزير محمد اسحاق ڊار پڻ شريڪ هو.