وزيراعظم پاران لڪي مروت ۾ خوارج خلاف ڪامياب ڪارروائي تي سيڪيورٽي فورسز کي خراج تحسين پيش

اسلام آباد – 04 – ڊسمبر (اي پي پي) وزيراعظم محمد شهباز شريف ضلعي لڪي مروت ۾ 5 خوارج کي جهنم واصل ڪرڻ ۽ 2 کي زخمي ڪري گرفتار ڪرڻ تي سيڪيورٽي فورسز کي خراج تحسين پيش ڪندي چيو آهي ته انسانيت جي دشمنن جا ڪڌا ارادا اهڙي طرح خاڪ ۾ ملائيندا رهنداسين. وزيراعظم آفيس جي پريس ونگ پاران جاري بيان موجب هن چيو ته حڪومت ملڪ مان خوارج ۽ دهشتگردي جي مڪمل خاتمي جي لاءِ سرگرم عمل آهي.