سعودي عرب جي ولي عهد سان امارات جي صدر ۽ قطر جي امير جو ٽيليفونڪ رابطو، خطي ۾ فوجي ڇڪتاڻ تي ڳالهيون

رياض -17 اپريل (اي پي پي) سعودي عرب جي ولي عهد شهزاده محمد بن سلمان سان گذريل ڏينهن گڏيل عرب امارات جي صدر شيخ محمد بن زيد آل نهيان ۽ قطر جي امير شيخ تميم بن حمد آلثاني ڌار ڌار ٽيليفونڪ رابطو ڪيو. عرب نيوز مطابق رابطي ۾ غزه جي صورتحال کان علاوه خطي ۾ تازي فوجي ڇڪتاڻ ۽ سلامتي ۽ تحفظ تي انهن جي اثرن تي ڳالهيون ڪيون. هن صورتحال جي بگڙندڙ صورتحال کي روڪڻ ۽ خطي کي ان ڇڪتاڻ جي خطرن کان بچائڻ لاءِ ڪوششون ڪرڻ جي اهميت تي زور ڀريو.