ايراني صدر ابراهيم رئيسي جلد سعودي عرب جو دورو ڪندو: سعودي پرڏيهي وزير

رياض_18 آگسٽ(اي پي پي) سعودي عرب جي پرڏيهي وزير شهزادي فيصل بن فرحان اميد ظاهر ڪئي آهي ته شاه سلمان بن عبدالعزيز جي دعوت تي ايراني صدر ابراهيم رئيسي جلد ئي ملڪ جو دورو ڪندو، ميڊيا رپورٽن موجب سعودي پرڏيهي وزير پنهنجي ايراني هم منصب جي سعودي عرب جي دوري جي موقعي تي رياض ۾ منعقد هڪ پريس ڪانفرنس کي خطاب ڪري رهيو هو. ايراني پرڏيهي وزير حسين امير عبداللهيان سعودي عرب سان سفارتي لاڳاپا قائم ٿيڻ کان پوءِ پهرين سفارتي دوري تي رياض پهتو هو.