نيٽو جي سيڪريٽري جنرل جي عهدي جي مدي ۾ چوٿون ڀيرو هڪ سال جي واڌ جو فيصلو

برسلز -05 جولاءِ (اي پي پي) نيٽو جي سيڪريٽري جنرل جينز اسٽولٽن برگ جي عهدي جي مدي ۾ هڪ ڀيرو ٻيهر هڪ سال جي واڌ جو فيصلو ڪيو ويو آهي. ترڪيه جي خابرو اداري مطابق نيٽو جي سيڪريٽري جنرل جي عهدي جي مدي ۾ چوٿون ڀيرو هڪ سال جي واڌ جو فيصلو ڪيو ويو آهي، ان سلسلي ۾ ميمبر ملڪن ۾ اتفاق راءِ طئي ڪئي وئي، مملڪت جي سربراهن ان فيصلي جي منظوري 11 کان 12 جولاءِ تي لٿوانيا جي گادي واري شهر ولنيئس ۾ امڪاني نيٽو سربراهي اجلاس ۾ ڏيندا. فيصلي بعد جينز اسٽولٽن برگ پهرين آڪٽوبر 2024ع تائين نيٽو جي سيڪريٽري جنرل جي عهدي تي فائز رهندو.