اسلام آباد – 28 فيبروري (اي پي پي) وزيراعظم عمران خان چين جي صدر زي جن پنگ ۽ چيني حڪومت کي ملڪ مان انتهائي غربت جي خاتمي لاءِ انهن جي ڪاميابي تي انهن کي مبارڪباد ڏني آهي. پنهنجي هڪ ٽوئيٽ ۾ عمران خان چيو ته تاريخ ۾ ڪڏهن ائين ناهي ٿيو ته رڳو 35 سالن ۾ 75 ڪروڙ ماڻهن کي انتهائي غربت مان ڪڍيو آهي. عمران خان چيو ته پاڪستان جهڙي ترقي جي راهه تي گامزن ملڪن کي ان مان سکڻ گهرجي. انهي عزم ۽ منزل سان اسان پنهنجي عوام جي لاءِ به ائين ڪري سگهون ٿا.
