اسلام آباد – 27 فيبروري (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته حمزه ۽ مريم نواز جي وڏن ملڪ ۾ ڪرپشن جي ڪلچر کي فروغ ڏئي قوم جي اخلاقيات تباهه ڪئي، حمزه شهباز پنهنجي مفرور چاچي کي چوي ته وطن واپس اچي وڃي. پنهنجي ٽوئيٽ ۾ وفاقي وزير سينيٽر شبلي فراز چيو ته توهان اڃا ضمانت تي آهيو، ڳالهيون ائين ڪري رهيا آهيو جهڙوڪ آزاد ٿي ويا هجو، عدالتي معاملا عدالت ۾ ٻڌايو ميڊيا ۾ نه. هن چيو ته انهن ماڻهن پاڪستان جي عوام کي ڪنگال ڪيو ۽ پنهنجا کيسا ڀريا، قوم جو پئسو بي رحمي سان کائيندڙ اڄ هٺ ڌرمي سان چئي رهيا آهن ته انهن جي خلاف هڪ پئسي جي ڪرپشن ثابت ناهي ٿي.
