APP67-250221 ISLAMABAD: February 25 - Special Representative of President of Afghanistan for Pakistan Mohammad Omer Daudzai calls Speaker National Assembly Asad Qaiser at Parliament House. APP

اسلام آباد – 25 فيبروري (اي پي پي) قومي اسيمبلي جي اسپيڪر اسد قيصر سان پارليامينٽ هائوس ۾ پاڪستان جي لاءِ افغان صدر جي خاص نمائندي عمر دائود زئي ملاقات ڪئي جنهن ۾ ٻطرفي لاڳاپن، واپار جي فروغ سميت گڏيل دلچسپي جي ٻين معاملن تي خيالن جي ڏي وٺ ڪئي وئي. ان موقعي تي ڳالهائيندي قومي اسيمبلي جي اسپيڪر اسد قيصر چيو ته پاڪستان ۽ افغانستان جي عوام اخوت، ثقافت ۽ تاريخ جي لازوال رشتن ۾ جڙيل آهي، پاڪستان افغانستان ۾ امن جي قيام لاءِ افغان حڪومت ۽ عوام سان ڪلهو ڪلهي ۾ ملائي بيٺل آهي. هن چيو ته مستحڪم ۽ مضبوط افغانستان پاڪستان ۽ خطي جي بهترين مفاد ۾ آهي، هن چيو ته پاڪستان جي موجوده حڪومت افغانستان سان وسيع النبياد واپار ۽ سيڙپڪاري کي فروغ ڏيڻ چاهي ٿي، پاڪستان جي خواهش آهي ته سي پيڪ منصوبي مان افغانستان فائدو کڻي، سي پيڪ منصوبو خطي ۾ معاشي ۽ اقتصادي ترقي جي لاءِ گيم چينجر منصوبو ثابت ٿيندو

متعلقہ مضامینمصنف کی طرف سے مزید