اسلام آباد – 28 ڊسمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته ٻارن جي شروعاتي عمر کان تعليم ۽ تربيت وقت جي اهم ضرورت آهي ته جيئن انهن ۾ مثبت رجحانن پروان چڙهي سگهن، دهشتگردي جي خاتمي ۽ نئين نسل جي ذهنيت کي تبديل ڪرڻ جي حڪمت عملي جي ڏس ۾ سکيا ۽ صلاحيت ۾ اضافي جا ڪورسز منعقد ڪرائڻ انتهائي آهم آهن، موجوده حڪومت دهشتگردي جي روڪٿام جي بياني جي تياري لاءِ ثقافت، ورثي ۽ فلمي صنعت جي بحالي جو منصوبو شروع ڪيو آهي، هي اجتماعي ذميداري آهي ۽ معاشري جي سمورن طبقن کي ان ۾ حصو وجهڻ گهرجي، دهشتگردي ۽ انتهاپسندي جو خاتمو تعليم ۽ سکيا سان ئي ممڪن آهي، انفارميشن آفيسرن کي نئين ايجادن سان پنهنجو پاڻ کي هم آهنگ ڪرڻو پوندو. اهڙن خيالن جو اظهار هن هتي اسٽريٽجڪ ڪميونيڪيشن اينڊ ميڊيا انگيجمينٽ ٽريننگ ڪورس جي پڄاڻي واري تقريب کي خطاب ڪندي ڪيو.
