اسلام آباد – 25 ڊسمبر (اي پي پي) صدر ممنون حسين باني پاڪستان قائداعظم محمد علي جناح جي خدمتن کي خراج عقيدت پيش ڪندي چيو آهي ته اڄ سياسي، معاشي، معاشرتي، مذهبي ۽ اهم ترين معاملن ۾ اسان کي جيڪي ڏکيائيون درپيش آهن، انهن تي قانون ۽ آئين تي عملدرآمد ذريعي ضابطو آڻي ئي اقتصادي استحڪام ۽ ترقي ۽ خوشحالي جو خواب تعبير ڪري سگهجي ٿو. قائداعظم جي پيدائش جي ڏهاڙي تي پنهنجي پيغام ۾ هن چيو ته پاڪستاني قوم اڄ قائداعظم محمد علي جناح جو پيدائش جو ڏهارو ملهائي رهي آهي. آئون سمجهان ٿو ته باني پاڪستان جي تعليم ۽ سندس فرمانن جي اهميت هر گذرندڙ ڏينهن سان وڌندي پئي وڃي.
