اسلام آباد – 09 جون (اي پي پي) پاڪ چين اقتصادي راهداري جي باري ۾ پارلياماني ڪميٽي جي چيئرمين مشاهد حسين سيد چيو آهي ته راهداري منصوبو مواصلاتي رابطن ۽ گڏيل مفادن جي ذريعي وفاق ۽ وفاقي ڌرين کي وڌيڪ سگهه ڏيڻ لاءِ اهم ڍانچو آهي، هن اها ڳالهه اي پي پي کي خصوصي انٽرويو ڏيندي چئي. مشاهد حسين سيد چيو ته هي راهداري گيم چينجر آهي ۽ گهٽ ترقي يافته علائقن کي ترقي يافته علائقن سان ملائيندي هي وفاق پاڪستان کي گڏ ڪرڻ لاءِ هڪ اهم قدم آهي، پاڪ چين اقتصادي راهداري رستن جي سان گڏوگڏ اقتصادي ۽ ترقياتي موقعن کي اجاگر ڪندي هن چيو ته خصوصي اقتصادي علائقن، صنعتي پارڪس ۽ تيل جي پائيپ لائينن سان سڄي ملڪ جي عوام لاءِ روزگار ۽ ٻيا موقعا حاصل ٿيندا.
