اسلام آباد – 23 ڊسمبر (اي پي پي) قومي اسيمبلي جي اسپيڪر سردار اياز صادق چيو آهي ته اڄ آچر ڏينهن شروع ٿيندڙ اسپيڪرز ڪانفرنس جا شرڪت ڪندڙ سي پيڪ کي درپيش چئلينجن سميت علائقائي ڳانڍاپي ۽ دهشتگردي جي خاتمي تي خطاب ڪندا، قومي اسيمبلي آف پاڪستان جي اسپيڪر جي حيثيت سان منهنجي لاءِ اها فخر ۽ اعزاز جي ڳالهه آهي ته پاڪستان علائقائي پارلياماني اتحاد ٺاهڻ ۾ ڪامياب ٿيو ۽ چين سميت ترڪيءَ، روس، ايران ۽ افغانستان علائقائي مسئلن جي حل لاءِ هن اسپيڪرز ڪانفرنس جي پليٽ فارم تي گڏ ٿيا آهن. اهڙن خيالن جو اظهار هن پاڪستان ٽيليويزن سان ڳالهائيندي ڪيو.
