اسلام آباد – 10 ڊسمبر (اي پي پي) صدر ممنون حسين چيو آهي ته پاڪستان حڪومت انساني حقن جي تحفظ ۽ فروغ جي لاءِ پرعزم آهي ۽ رياست جي هر شهري جي آزادي، خودمختياري ۽ وقار ۽ خوداعتمادي جي لاءِ پنهنجي جدوجهد جاري رکندي، پاڪستان هڪ ذميوار ملڪ جي حيثيت سان پنهنجي قومي ذميوارين کان چڱي ريت آگاهه آهي ۽ پاڪستان انساني حقن جي بالادستي جي لاءِ مختلف معاهدن جي توثيق ڪئي آهي. انساني حقن جي عالمي ڏينهن جي موقعي تي پنهنجي پيغام ۾ صدر چيو ته معاشري جي محروم ۽ پٺتي پيل طبقن جي تحفظ ۽ انهن جي بنيادي حقن جي ذميوارين کي سمجهندي حڪومت قانوني، معاشي ۽ سماجي فريم ورڪس تي موثر طور عملدرآمد جي لاءِ ڪوشش ڪري رهي آهي.
