اسلام آباد – 04 ڊسمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته هڪ طرف مسلم ليگ (ن) ۽ محمد نواز شريف جي ملڪ مان اونداهيون ختم ڪرڻ جا واعدا پورا ٿي رهيا آهن ۽ ٻئي طرف پارليامينٽ ۽ ادارن کي گاريون ڏيندڙ شخص اڃا به ڪنٽينر تي بيٺل آهي ۽ اها ئي زبان استعمال ڪري رهيو آهي. اسلام آباد ۾ احتساب عدالت ٻاهران صحافين سان ڳالهائيندي مملڪتي وزير چيو ته اڳوڻي وزيراعظم محمد نواز شريف ۽ مسلم ليگ (ن) ملڪ مان اونداهيون ختم ڪرڻ جو واعدو ڪيو هو ۽ توهان ٻڌو ته ڪالهه زيرو لوڊشيڊنگ جو اعلان ڪيو ويو آهي ۽ اهو واعدو پورو ٿي ويو آهي، جيتري پاور جنريشن مسلم ليگ (ن) جي هن دور ۾ ٿي آهي تاريخ ۾ ان جو مثال نه ٿو ملي.
