اسلام آباد – 10 آڪٽوبر (اي پي پي) سينيٽ جي چيئرمين محمد صادق سنجراڻي چيو آهي ته پاڪستان خطي ۾ امن جي ڪوششن جي حمايت جاري رکندو، پاڪستان عالمي امن جي خاطر لازوال قربانيون ڏنيون آهن، والاريل ڪشمير ۾ گذريل 66 ڏينهن کان ڪرفيو سبب انساني بحران جي ڪيفيت پيدا ٿي چڪي آهي، پاڪستان افغانستان ۾ امن جو خواهشمند آهي، اهڙن خيالن جو اظهار هن سوئيٽزرلينڊ جي سفير ٿامس ڪولي سان ملاقات دوران ڪيو، ملاقات ۾ گڏيل دلچسپي جي معاملن سميت اهم علائقائي ۽ عالمي معاملن تي خيالن جي ڏي وٺ ڪئي وئي.
