اسلام آباد – 06 سيپٽمبر (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته دفاع جو ڏهاڙو غيرتمند ۽ بهادر ڪشميرين سان يڪجهتي جي اظهار طور ملهايو، دنيا جي لاءِ به پيغام آهي ته ڪشمير مسئلو گڏيل قومن جي قراردادن ۽ ڄمون ۽ ڪشمير جي عوام جي امنگن موجب حل ڪرڻ کانسواءِ ڏکڻ ايشيا ۾ پائيدار امن جو خواب پورو نه ٿو ٿي سگهي، ڪشمير پاڪستان جي شهه رڳ ۽ دفاعي حصار آهي، ڪشميرين جي موقف جو دفاع پاڪستان جي دفاع کي مضبوط ڪرڻ جي برابر آهي.
