اسلام آباد – 03 سيپٽمبر (اي پي پي) صدر ڊاڪٽر عارف علوي چيو آهي ته پاڪستان والاريل ڪشمير ۾ انساني حقن جي سنگين خلاف ورزين تان ڌيان نٿو هٽائي سگهي، پاڪستان سدائين پنهنجي ڪشميري ڀينرن ڀائرن سان گڏ بيٺل رهندو، پاڪستاني هاءِ ڪمشنرز ۽ سفيرن کي ڪشمير مسئلي جي حقيقي منظرنامي ۽ اتي ڀارتي ظلم ۽ ڏاڍ کي اجاگر ڪرڻ جي لاءِ ڀرپور ڪم ڪرڻ گهرجي، پاڪستان جمهوريه چيڪ سان پنهنجي لاڳاپن کي تمام گهڻي اهميت ڏي ٿو، جمهوريه چيڪ سان پنهنجي لاڳاپن ۽ رابطن کي وڌيڪ مضبوط بڻائڻ جي خواهش رکون ٿا. صدر اها ڳالهه جمهوريه چيڪ جي لاءِ پاڪستان جي نامزد سفير محمد خالد جميل سان ايوان صدر ۾ ملاقات دوران چئي.
