اسلام آباد – 24 جولاءِ (اي پي پي) توانائي واري نگران وفاقي وزير سيد علي ظفر سان پاڪستان ۾ ترڪمانستان جي سفير عطا جان مولاموف ملاقات ڪئي. ملاقات ۾ هن تاپي گئس پائيپ لائين پراجيڪٽ تي ٿيندڙ اڳڀرائي تي خيالن جي ڏي وٺ ڪئي ۽ ان عزم کي ورجايو ته توانائي جي ان منصوبي کي وقت سر مڪمل ڪرڻ جي لاءِ گڏيل تعاون کي وڌيڪ مضبوط بڻايو ويندو. ان موقعي تي وفاقي وزير چيو ته پاڪستان ۽ ترڪمانستان جي وچ ۾ تاريخي ۽ مذهبي رابطا آهن ۽ انهن جا ڀائراڻا لاڳاپا ٻنهي ملڪن جي عوام جي دلين ۾ قائم آهن. هن چيو ته پاڪستان ترڪمانستان سان مختلف شعبن ۾ گڏيل مفاد ۾ تعاون کي وڌائڻ جو خواهشمند آهي.
