اسلام آباد – 24 جولاءِ (اي پي پي) اطلاعات، نشريات، قومي تاريخ ۽ ادبي ورثي واري وفاقي وزير بئريسٽر سيد علي ظفر چيو آهي ته ملڪي سياسي تاريخ ۾ عام چونڊون 2018ع وڏي اهميت واريون آهن. پي ٽي وي ورلڊ کي هڪ انٽرويو ڏيندي هن چيو ته پاڪستان جي تقدير ووٽرز جي هٿن ۾ آهي جن کي پنهنجو اهو حق ضرور استعمال ڪرڻ گهرجي. هن چيو ته نگران وفاقي ۽ صوبائي حڪومتن، اليڪشن ڪميشن آف پاڪستان ۽ لاڳاپيل ادارن پرامن ۽ سازگار چونڊ ماحول جي فراهمي جي لاءِ سمورا قدم کنيا آهن.
