اسلام آباد – 11 جولاءِ (اي پي پي) صدر ممنون حسين پشاور ۾ ٿيندڙ ڌماڪي جي سخت مذمت ڪئي ۽ ان واقعي ۾ شهيد ٿيندڙ هارون بلور سميت سمورن ماڻهن جي بلند درجن ۽ پوئينرن جي لاءِ صبر جميل جي دعا ڪئي آهي. صدر ممنون حسين هارون بلور جي گهرڀاتين سان تعزيت ڪندي چيو ته جمهوريت جي لاءِ سندس قربانيون سدائين ياد رکيون وينديون، صدر مقامي انتظاميه کي زخمين کي علاج جون سموريون سهولتون فراهم ڪرڻ جي هدايت ڪئي آهي، صدر چيو ته دهشتگردن جي بزدلاڻين ڪاررواين سان قوم جا حوصلا ڪمزور نه ٿيندا ۽ دهشتگردي جي خلاف ڪارروايون جاري رهنديون.
