اسلام آباد – 19 جون (اي پي پي) نگران وزيراعظم جسٽس (ر) ناصرالملڪ پاڪستان ۽ گڏيل عرب اماراتن جي وچ ۾ واپاري ڪاٿي ۾ اضافي تي اطمينان جو اظهار ڪندي امارات جي ڪمپنين کي پاڪستان ۾ سيڙپڪاري جي دعوت ڏني آهي. هن اها ڳالهه يو اي اي جي سفير عبيد ابراهيم سالم الزابي سان ڳالهائيندي چئي جنهن ساڻس وزيراعظم آفيس ۾ خيرسگالي ملاقات ڪئي. سفير نگران وزيراعظم جسٽس (ر) ناصرالملڪ کي وزارت عظميٰ جو عهدو سنڀالڻ تي مبارڪباد ڏيندي چيو ته اهو پاڪستان جي جمهوري تبديلي جي سفر ۾ هڪ اهم سنگ ميل آهي.
