اسلام آباد – 18 جون (اي پي پي) ريلوي واري اڳوڻي وفاقي وزير خواجه سعد رفيق چيو آهي ته عمران خان نفرت ۽ ڪوڙ جي سياست پکيڙڻ جو ذميوار آهي، ايندڙ عام چونڊن ۾ عوام مسلم ليگ (ن) کي بهتر ڪارڪردگي جي بنياد تي ووٽ ڏيندي. سوشل ميڊيا تي پنهنجي پيغام ۾ مسلم ليگ (ن) جي اڳواڻ خواجه سعد رفيق چيو ته سياسي مخالفن کي زير ڪرڻ عمران خان جو شيوو بڻجي ويو آهي، سياستدانن کي سياسي مقابلو عدالتن بدران عوامي ميدان ۾ ڪرڻ گهرجي.
