مالي سال 27 – 2026ع ۾ پاڪستان جي معاشي ترقي جي شرح 4 سيڪڙو کان وڌي وڃڻ جي اميد آهي: بئريسٽر دانيال چوڌري

اسلام آباد – 12 آڪٽوبر (اي پي پي) اطلاعات ۽ نشريات واري وفاقي پارلياماني سيڪريٽري بئريسٽر دانيال چوڌري چيو آهي ته مالي سال 27 – 2026ع ۾ پاڪستان جي معاشي ترقي جي شرح 4 سيڪڙو کان وڌي وڃڻ جي اميد آهي جيڪا ملڪي معيشت جي بحالي تي اعتماد جي عڪاسي ڪري ٿي. سومر ڏينهن سوشل ميڊيا پليٽ فارم “ايڪس” تي هڪ بيان ۾ هن چيو ته مسلسل سڌارن، سيڙپڪاري جي فروغ ۽ نجڪاري جي قدمن جي ذريعي پاڪستان هڪ مضبوط، مستحڪم ۽ پائيدار معاشي مستقبل طرف وڌي رهيو آهي.