اسلام آباد - 26 سيپٽمبر (اي پي پي) سينيٽ چيئرمين سيد يوسف رضا گيلاني بيلا روس جي سرڪاري دوري جي موقعي تي پارلياماني وفد جي اڳواڻي ڪندي منسڪ سائنٽيفڪ اينڊ پريڪٽيڪل سينٽر فار سرجري ، ٽرانسپلانٽالاجي، اينڊ هيماٽالاجي ۽ ثقافتي ورثي، بيلا روسي اسٽيٽ ميوزيم آف هسٽري آف گريٽ پيٽرياٽڪ وار جو دورو ڪيو. سينيٽ سيڪريٽري موجب طبي مرڪز جي دوري دوران، ڪائونسل آف دي ريپبلڪ جي چيئر پرسن نتاليه …
سينيٽ چيئرمين پاران صحت جي سار سنڀال، ٽيڪنالاجي، ثقافتي مٽاسٽا ۾ پاڪستان بيلا روس تعاون کي هٿي ڏيڻ تي خيالن جو اظهار
مزید خبریں
اسلام آباد – 26 سيپٽمبر (اي پي پي) سينيٽ چيئرمين سيد يوسف رضا گيلاني بيلا روس جي سرڪاري دوري جي موقعي تي پارلياماني وفد جي اڳواڻي ڪندي منسڪ سائنٽيفڪ اينڊ پريڪٽيڪل سينٽر فار سرجري ، ٽرانسپلانٽالاجي، اينڊ هيماٽالاجي ۽ ثقافتي ورثي، بيلا روسي اسٽيٽ ميوزيم آف هسٽري آف گريٽ پيٽرياٽڪ وار جو دورو ڪيو. سينيٽ سيڪريٽري موجب طبي مرڪز جي دوري دوران، ڪائونسل آف دي ريپبلڪ جي چيئر پرسن نتاليه ڪوچانووا، سينيٽ چيئرمين ۽ پاڪستاني وفد کي عضون جي پيوندڪاري، روبوٽ جي مدد سان سرجري، اي آءِ تي ٻڌل چڪاس ۽ ڪار-ٽي ٿراپي ۾ بيلا روس جي جديد صلاحيتن جي باري ۾ بريفنگ ڏني وئي. وفد مرڪز جي هائبرڊ آپريٽنگ ڪامپليڪس ۾ مربوط سي ٽي ۽ انجيوگرافڪ ٽيڪنالاجيز سان ليس هڪ لائيو طريقيڪار جو مشاهدو پڻ ڪيو. سينيٽ چيئرمين خاص صحت جي سار سنڀال م بيلا روس جي اڳڀرائي کي ساراهيو ۽ اڀرندڙ طبي ٽيڪنالاجيز ۾ اداره جاتي رابطن، پيشيواراڻي ۽ علمي، مهارت جي مٽاسٽ ۽ تعاون جي امڪانن تي زور ڀريو. بيلا روسي رياستي ميوزيم آف دي هسٽري آف دي گريٽ پيٽرياٽڪ وار ۾ پارلياماني وفد جنگ جي بي پناهه انساني قيمت، بيلا روسي عوام جي مزاحمت ۽ بيلا روس جي آزادي دوران انهن جي قربانين جي دستاويزي نمائش پڻ ڏٺي. سينيٽ چيئرمين بيلا روس جي عوام جي همت ۽ لچڪ کي خراج تحسين پيش ڪيو ۽ بيلا روس جي تاريخي يادن ۽ ورثي کي محفوظ رکڻ جي ڪوششن کي ساراهيو. سينيٽ چيئرمين ان ڳالهه تي زور ڀريو ته پارلياماني رابطن، عوام جي عوام سان رابطن، علم جي مٽاسٽا ۽ جديد شعبن ۾ تعاون پاڪستان ۽ بيلا روس جي لاڳاپن کي وڌيڪ گهرو ڪري سگهي ٿو، جنهن سان ٻنهي ملڪن وچ ۾ پراڻي دوستي کي وڌيڪ مضبوط ۽ گڏيل مفاهمت ۾ تبديل ڪرڻ ۾ مدد ملندي.
