گڏيل قومون- 24 سيپٽمبر (اي پي پي) اسپين جي وزيراعظم پيڊرو سانچيز غزه ۾ جاري اسرائيلي فوجي ڪارروائين تي شديد تنقيد ڪندي چيو آهي ته اسرائيل جي وزيراعظم بنجمن نيتن ياهو خطي ۾ قتل عام جو سلسلو جاري رکيو آهي. پرڏيهي ميڊيا مطابق گڏيل قومن جي جنرل اسيمبلي جي 81 هين اجلاس کي خطاب ڪندي هن چيو ته اسپين غزه جي صورتحال جي ردعمل ۾ اڳ ۾ ئي اسرائيل خلاف …
گڏيل قومن ۾ اسپين جي وزيراعظم جي اسرائيل تي شديد تنقيد، نيتن ياهو تي غزه ۾ قتل عام جاري رکڻ جو الزام
مزید خبریں
گڏيل قومون- 24 سيپٽمبر (اي پي پي) اسپين جي وزيراعظم پيڊرو سانچيز غزه ۾ جاري اسرائيلي فوجي ڪارروائين تي شديد تنقيد ڪندي چيو آهي ته اسرائيل جي وزيراعظم بنجمن نيتن ياهو خطي ۾ قتل عام جو سلسلو جاري رکيو آهي. پرڏيهي ميڊيا مطابق گڏيل قومن جي جنرل اسيمبلي جي 81 هين اجلاس کي خطاب ڪندي هن چيو ته اسپين غزه جي صورتحال جي ردعمل ۾ اڳ ۾ ئي اسرائيل خلاف پابندين سميت ڪيترائي قدم کڻي چڪو آهي ۽ وڌيڪ قدمن تي به غور ڪري رهيو آهي. اسپين جي وزيراعظم تازن مهينن دوران غزه جنگ بابت اسرائيل جي پالسين جو نمايان مخالف رهيو آهي. ان کان اڳ اسپين جي حڪومت اسرائيل کي هٿيارن جو روانگي واپار محدود ڪرڻ ۽ فوجي سهڪار روڪڻ جهڙن قدمن جو اعلان به ڪري چڪي آهي. اهو بيان هڪ اهڙي وقت ۾ سامهون آيو آهي جڏهن گڏيل قومن جي سيڪريٽري جنرل انتونيو گوتريش به جنرل اسيمبلي کي پنهنجي خطاب ۾ غزه جي سنگين انساني صورتحال تي ڳڻتي جو اظهار ڪري چڪو آهي.
