لاهور- 27 جولاءِ (اي پي پي) وفاقي گهرو وزير محسن نقوي سومر ڏينهن هتي منصوره پهتو ۽ جماعت اسلامي جي امير حافظ نعيم الرحمان سان ملاقات ڪئي. جماعت اسلامي جي ترجمان موجب، ملاقات ۾ ملڪ جي مجموعي صورتحال ۽ علائقائي معاملن سان گڏوگڏ عوامي مسئلن جي حل تي به خيالن جي ڏي وٺ ڪئي وئي ۽ مشاورت ڪئي وئي. جماعت اسلامي پاڪستان جي وقتي سيڪريٽري جنرل نذير احمد جنجوعه ۽ …
وفاقي گهرو وزير محسن نقوي جي منصوره ۾ جماعت اسلامي جي امير حافظ نعيم الرحمان سان ملاقات
لاهور- 27 جولاءِ (اي پي پي) وفاقي گهرو وزير محسن نقوي سومر ڏينهن هتي منصوره پهتو ۽ جماعت اسلامي جي امير حافظ نعيم الرحمان سان ملاقات ڪئي. جماعت اسلامي جي ترجمان موجب، ملاقات ۾ ملڪ جي مجموعي صورتحال ۽ علائقائي معاملن سان گڏوگڏ عوامي مسئلن جي حل تي به خيالن جي ڏي وٺ ڪئي وئي ۽ مشاورت ڪئي وئي. جماعت اسلامي پاڪستان جي وقتي سيڪريٽري جنرل نذير احمد جنجوعه ۽ اطلاعات سيڪريٽري شڪيل احمد ترابي پڻ ان موقعي تي موجود هئا. ان موقعي تي ڳالهائيندي گهرو وزير محسن نقوي چيو ته فيلڊ مارشل سيد محمد عاصم منير جي مسلسل ڪوششن سان ٻيهر ڇڪتاڻ ۾ ٻيهر گهٽتائي آئي آهي. گهرو وزير محسن نقوي حافظ نعيم الرحمان سان جماعت اسلامي جي سيڪريٽري جنرل امير العظيم جي لاڏاڻي تي تعزيت جو اظهار ڪيو ۽ فاتحه خواني ڪئي. گهرو وزير سوڳوار خاندان ۽ پارٽي جي اڳواڻن ۽ ڪارڪنن لاءِ پُڻ صبر ۽ جميل جي دعا ڪئي.
