نائب وزيراعظم سينيٽر محمد اسحاق ڊار جي سنگاپور ۽ انڊونيشيا جي پرڏيهي وزيرن سان ڳالهه ٻولهه

اسلام آباد – 23 جولاءِ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار آسيان ريجنل فورم (اي آر آيف) جي وزارتي اجلاس کان اڳ سنگاپور جي پرڏيهي وزير ڊاڪٽر ويوين بالاڪرشنن ۽ انڊونيشيا جي پرڏيهي وزير سوگيونو سان ڳالهه ٻولهه ڪئي. خميس ڏينهن پرڏيهي وزارت پاران جاري بيان موجب اڳواڻن علائقائي ۽ عالمي اڳڀرائي تي خيالن جي ڏي وٺ ڪئي ۽ گهڻ رخي تعاون جي اهميت جو ورجاءُ ڪيو.