نائب وزيراعظم ۽ پرڏيهي وزير سينيٽر محمد اسحاق ڊار سان گڏيل عرب امارات ۾ پاڪستان جي سفير شفقت علي خان جي ملاقات

اسلام آباد – 20 جولاءِ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان گڏيل عرب امارات ۾ پاڪستان جي سفير شفقت علي خان ملاقات ڪئي. سومر ڏينهن پرڏيهي وزارت پاران جاري بيان موجب نائب وزيراعظم ۽ پرڏيهي وزير ان ڳالهه تي زور ڏنو ته پاڪستان گڏيل عرب امارات سان پنهنجي پراڻي، ڀائراڻي ۽ مضبوط لاڳاپن کي تمام گهڻي اهميت ڏي ٿو. هن سفير کي هدايت ڪئي ته ٻنهي ملڪن جي وچ ۾ سمورن شعبن ۾ ٻطرفي تعاون کي وڌيڪ فروغ ڏنو وڃي، اقتصادي ۽ سيڙپڪاري جي رابطن کي وڌيڪ سگهه ڏني وڃي ۽ گڏيل عرب امارات ۾ رهندڙ وڏي پاڪستاني برادري جي ڀلائي جي لاءِ گڏيل تعاون کي وڌيڪ موثر بڻايو وڃي.