وزيراعظم پاران ارٿ آور 2026ع جي مناسبت سان 28 مارچ جي رات ساڍي اٺين وڳي کان ساڍي نائين وڳي تائين لائيٽس بند رکڻ جي هدايت

اسلام آباد – 26 مارچ (اي پي پي) وزيراعظم محمد شهباز شريف 28 مارچ 2026ع (ڇنڇر) تي ”ارٿ آور“ ملهائڻ جي لاءِ سڄي ملڪ ۾ ان ڏينهن رات ساڍي اٺين وڳي کان ساڍي نائين وڳي تائين وڌ کان وڌ برقي لائيٽس بند رکڻ جي هدايت ڪري ڇڏي. ڪابينا ڊويزن پاران جاري پڌرائي موجب اهو قدم ”ارٿ آور 2026ع“ تحت کنيو پيو وڃي جنهن جو عنوان "Give an Hour for Earth” آهي. واضح رهي ته ان قدم جو مقصد ماحولياتي تحفظ، توانائي جي زيان کي روڪڻ ۽ ماحولياتي مسئلن بابت آگاهي پيدا ڪرڻ آهي.