اسلام آباد -19 مارچ (اي پي پي) صدر آصف علي زرداري ڪيترن ئي قانون سازي جي قدمن جي منظوري ڏيئي ڇڏي آهي جن سان گڏ مقررين، سول ايوارڊن جي منظوري ۽ سزائن ۾ خصوصي گهٽتائي به شامل آهي. خميس ڏينهن ايوان صدر جي پريس ونگ پاران جاري ڪيل بيان موجب، منظور ڪيل قانون سازي جي قدمن ۾ پاڪستان شهريت (ترميمي) بل 2026ع، اخباري ملازم (ملازمت جا شرط) (ترميمي) بل 2026ع، …
صدر آصف علي زرداري پاران ڪيترن ئي اهم ترميمي بلن، مقررين، سول ايوارڊن ۽ سزائن ۾ خصوصي گهٽتائي جي منظوري
مزید خبریں
اسلام آباد -19 مارچ (اي پي پي) صدر آصف علي زرداري ڪيترن ئي قانون سازي جي قدمن جي منظوري ڏيئي ڇڏي آهي جن سان گڏ مقررين، سول ايوارڊن جي منظوري ۽ سزائن ۾ خصوصي گهٽتائي به شامل آهي. خميس ڏينهن ايوان صدر جي پريس ونگ پاران جاري ڪيل بيان موجب، منظور ڪيل قانون سازي جي قدمن ۾ پاڪستان شهريت (ترميمي) بل 2026ع، اخباري ملازم (ملازمت جا شرط) (ترميمي) بل 2026ع، زڪوات ۽ عشر (ترميمي) بل 2026ع، نيشنل آرڪائيوز (ترميمي) بل 2026ع، پاڪستان جا نالا ۽ نشان (روڪٿام ۽ غير مجاز استعمال) (ترميمي) بل 2026ع، ايسوسيئيٽڊ پريس آف پاڪستان ڪارپوريشن (ترميمي) بل 2026ع، نئون پاڪستان هائوسنگ اينڊ ڊولپمينٽ اٿارٽي (ترميمي) بل 2026ع، پاڪستان اليڪٽرانڪ ميڊيا ريگيوليٽري اٿارٽي (ترميمي) بل 2026ع ۽ دانش يونيورسٽي اسلام آباد بل 2026ع شامل آهن. صدر بلوچستان جي ڪوٽا تحت اعزاز اسلم ڊار کي فيڊرل پبلڪ سروس ڪميشن (ايف پي ايس سي) جو ميمبر مقرر ڪرڻ جي به منظوري ڏني آهي. صدر پروفيسر سرور محمد خواجه، راشد ملڪ ۽ زين العابدين احسن کي سندن خدمتن جي اعتراف ۾ ستاره امتياز سان نوازڻ جي به منظوري ڏني آهي. صدر عيد الفطر ۽ پاڪستان جي ڏهاڙي 2026ع جي موقعي تي سزائن ۾ خصوصي گهٽتائي جي به منظوري ڏني آهي.
