وزيراعظم شهباز شريف پاران ڊيره اسماعيل خان ۾ ڀارتي حمايت يافته فتنه الخوارج جي 4 دهشتگردن کي مارڻ تي سيڪيورٽي فورسز کي خراج تحسين پيش

اسلام آباد – 23 فيبروري (اي پي پي) وزيراعظم محمد شهباز شريف خيبرپختونخواهه جي علائقي ڊيره اسماعيل خان ۾ ڀارتي حمايت يافته فتنه الخوارج جي 4 دهشتگردن کي مارڻ تي سيڪيورٽي فورسز کي خراج تحسين پيش ڪيو آهي. وزيراعظم آفيس جي ميڊيا ونگ پاران جاري بيان موجب وزيراعظم چيو ته عزم استحڪام جي ويزن تحت سيڪيورٽي فورسز دهشتگردي جي خلاف وڏيون ڪاميابيون حاصل ڪري رهي آهي، دهشتگردي جي ان جنگ ۾ پوري قوم پاڪ فوج سان گڏ بيٺل آهي. وزيراعظم چيو ته اسان ملڪ مان دهشتگردي جي مڪمل خاتمي جي لاءِ پرعزم آهيون.